Жаңаөзенде жұмыссыздарды жұмысқа орналастыру бойынша комиссия құрылды

Жаңаөзенде жұмыссыз азаматтарды жұмысқа орналастыру бойынша облыстық комиссия жұмысқа кірісті, - деп хабарлайды Tengrinews.kz тілшісі Маңғыстау облысы әкімдігінің баспасөз қызметіне сілтеме жасап.

"Облыс әкімінің бірінші орынбасары Абзал Меңдібаевтың төрағалығымен 8 ақпанда Жаңаөзенде мұнай-газ саласындағы қызметті жүзеге асыратын ұйымдарда жұмысқа қабылдау алгоритмінің толық ашықтығын қамтамасыз ету бойынша комиссия құрылды", - делінген хабарламада.

Комиссия құрамына мемлекеттік органдардан басқа, жұмыссыз азаматтар да кірді.

Комиссияның негізгі мақсаты - бастамашыл топтың белсенділерімен бірлесіп, мәселені шешу жолдарын қарастыру және екі тарапқа оңтайлы шешім шығару. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!