Жарты Атырау жарықсыз қалды

Атырауда бірнеше шағынауданда жарық сөніп қалды, - деп хабарлайды Tengrinews.kz тілшісі.

Қалалықтар әлеуметтік желілерде қалада жарық жаппай сөніп қалғанына шағымданып жатыр. "109" бірыңғай байланыс орталығының ақпараты бойынша, электр қуаты Атыраудың оң жағалауында сөндірілген.

Атырау, Нұрсая, Авангард, Сарықамыс шағынаудандарында, сондай-ақ, әлеуметтік нысандарда жарық жоқ.

"Қазір екі қосалқы станцияда апат шығуына байланысты жарық жоқ. "Атырау-Жарық" АҚ қызметкерлері ақауды ретке келтіріп жатыр", - деді "109" қызметкері.

Сілтемесіз жаңалық оқисыз ба? Онда Telegram желісінде парақшамызға тіркеліңіз!