+7 (777) 001 44 99
Қазақша
Русский
English
17 маусым 2024 | 15:06
Жедел жәрдем жүргізушісінің соққыға жығылуы: сотталушыға жаңа айып тағылды
Қарағандыда жедел жәрдем жүргізушісіне күш көрсетіп, бұзақылық жасады деп айыпталған Нұрболат Дәкебаевқа қатысты тағы бір қылмыстық іс қозғалды, - деп хабарлайды Tengrinews.kz тілшісі.
ПОДЕЛИТЬСЯ
Қарағандыда жедел жәрдем жүргізушісіне күш көрсетіп, бұзақылық жасады деп айыпталған Нұрболат Дәкебаевқа қатысты тағы бір қылмыстық іс қозғалды, - деп хабарлайды Tengrinews.kz тілшісі.
Іс Қылмыстық кодекстің 107-бабы 1-бөлігі ("Денсаулыққа қасақана ауырлығы орташа зиян келтiру") бойынша тергеледі. Жаңа қылмыстық іс Дәкебаевтың әрекетінен зардап шеккен жедел жәрдем көлігі жүргізушісінің денсаулығына орташа ауырлықтағы зиян келтірілгені туралы қосымша сот-медициналық сараптамасының қорытындысы бойынша қозғалған.
Бүгін, 17 маусымда Қарағандыда жедел жәрдем жүргізушісі Төреғали Берікқалиұлын ұрып-соғуға қатысты атышулы қылмыстық іс бойынша сот отырысы жалғасты. Сотта сарапшы Евгений Шулежко сөз сөйлеп, сот процесіне қатысушыларды жаңа сот-медициналық сараптаманың қорытындысымен таныстырды.
"Комиссия азамат Төреғали Берікқалиұлында мынадай дене жарақаттары анықталды деген қорытындыға келді: мидың шайқалуы түріндегі жабық бас-ми жарақаты, мұрын және мұрын қалқасының ығысуы бар жабық сынық, жарақаттан кейін қисайып асқынған, сол жақ орбитаның төменгі және медиальды қабырғаларының жабық сынықтары, мұрында қанның жиналуы және сол жақта қабақтың жұмсақ тіндерінде ауа көпіршіктерінің жиналуы, қабақтағы тері асты гематомалары, сол көзде субконъюнктивалық қан кету, маңдайдың көгерген жарасы. Бұл жарақаттардың барлығы қатты заттың әсерінен және денсаулыққа орташа ауырлықтағы зиян келтірді", - деді сарапшы Евгений Шулежко сотта.
Сотталушының адвокаты сотқа жәбірленушінің әлеуметтік желідегі жеке парақшаларынан бейнежазбаларды қарауды және қылмыстық іс материалдарына қосуды сұрады. Қорғаушы жедел жәрдем жүргізушісі Төреғали Берікқалиұлы сотталушыны арандатып, содан кейін өзі жанжалдың бейнежазбасын әлеуметтік желілерде қаралымды арттыру үшін жариялағанын айтты.
Сотталушының қорғаушысы жарақат алғаннан кейін жәбірленушінің жаттығу залына барған бейнежазбаларын іс материалдарына қосуды сұрады, Дәкебаевтың айтуынша, орташа дәрежедегі жарақат алған кезде жаттығу мүмкін емес.
Сот сотталушының қорғаушысының өтінішін қанағаттандырудан бас тартып, алынған дене жарақаты дәрежесін бағалау кезінде сот бейнежазбаны емес, сот-медициналық сараптаманың қорытындысын басшылыққа алатынын айтты.
Сотта прокурор да сөз сөйледі. Ол бұзақылық және денсаулыққа қасақана орташа ауырлықтағы зиян келтіру дерегі бойынша қылмыстық істерді толықтыру үшін қылмыстық іс материалдарын прокуратураға қайтару туралы өтінішпен жүгінді.
Сот қылмыстық істі екі бап бойынша біріктіру үшін қылмыстық істі прокурорға қайтару туралы шешім шығарып, Нұрболат Дәкебаевты қамауда ұстау мерзімін тағы бір айға ұзартты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
