+7 (777) 001 44 99
Қазақша
Русский
English
06 қыркүйек 2021 | 17:33
Желіде балаларды алдап вакциналау туралы жалған ақпарат тарап жатыр
Денсаулық сақтау министрлігінің санэпидбақылау комитеті оқушыларға коронавирусқа қарсы вакцина алдап салынатыны туралы ақпаратты жоққа шығарды, - деп хабарлайды Tengrinews.kz тілшісі Stopfake.kz порталына сілтеме жасап.
ПОДЕЛИТЬСЯ
Денсаулық сақтау министрлігінің санэпидбақылау комитеті оқушыларға коронавирусқа қарсы вакцина алдап салынатыны туралы ақпаратты жоққа шығарды, - деп хабарлайды Tengrinews.kz тілшісі Stopfake.kz порталына сілтеме жасап.
Қазнетте оқушылардың ата-анасына диаскинтест және тұмауға қарсы екпе саламыз деген жолмен алдап қол қойдырып алып, коронавирусқа қарсы екпені салуға мәжбүрлейді деген ақпарат тарап жатыр.
Бұл ақпаратты Денсаулық сақтау министрлігінің санитарлық-эпидемиологиялық бақылау комитеті жоққа шығарды.
"Диаскинтест - бұл адамның туберкулезбен ауыратындығын анықтайтын нақты тест. Бұл барлық балаларға көрсетілмейді. Ол тек манту сынамасы оң нәтиже берген мектеп оқушыларына ғана жүргізіледі. Диаскинтест мектептерде салынбайды, оны туберкулез диспансерлерінде тек ата-ананың келісімімен ғана салады. Мектеп қабырғасында тұмауға қарсы екпеде салынбайды. Сонымен қатар, бүгінде Қазақстанда да, басқа елдерде де тұмаудан және коронавирустан бір мезгілде қорғайтын поливакциналар жоқ.
Осылайша, ата-аналарды балаларына екпе салдыру үшін алдап келісімге қол қойдырады деген қауесет жалған. Біздің елде мектеп қабырғасында диаскинтест те, тұмауға қарсы екпе де салынбайды", - деді департаменттің ресми өкілі Ержан Байтанаев.
Бұған дейін манту тестінің орнына мектеп оқушыларына коронавирусқа қарсы екпе жасырын түрде салынатыны туралы қауесет жоққа шығарылған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
