+7 (777) 001 44 99
Қазақша
Русский
English
12 сәуір 2020 | 12:45
Желіде Павлодарда блокбекетте жүргізушіден темекіге ақша сұраған полицейдің видеосы тарады
Желіде Павлодар облысындағы блокбекетте полицейдің ақша сұрап тұрған сәті түсірілген видео тарап жатыр, - деп хабарлайды Tengrinews.kz тілшісі.
ПОДЕЛИТЬСЯ
Желіде Павлодар облысындағы блокбекетте полицейдің ақша сұрап тұрған сәті түсірілген видео тарап жатыр, - деп хабарлайды Tengrinews.kz тілшісі.
Видео кадрларынан полиция қызметкерінің Германиядан Семейге келе жатқан жүк көлігі жүргізушісінен темекіге ақша қалдырып кетуін сұрағаны көрінеді.
Павлодар облысының полиция департаменті бұл жағдайды растады.
"2020 жылдың 12 сәуірінде Теlegram әлеуметтік желісінде Германиядан Семейге келе жатқан жүк көлігі жүргізушісінің Екібастұз ауданы Шідерті ауылындағы № 4 санитарлық блокбекетте тексерістен өтіп бара жатқаны түсірілген видео жарияланды. Павлодар облысының Полиция департаментінің Өзіндік қауіпсіздік басқармасын қызмет тергеу жүргізеді", - деді Павлодар облысы полиция департаментінің басшысы Нұрлан Мәсімов.
Оның айтуынша, видеодағы полицей жұмыстан босатылып қана қоймай, әкімшілік жауапкершілікке тартылады.
Облыстың бас полицейі мұндай қызметкерлердің полицияда жұмыс істемеуі керегін айтты.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
