+7 (777) 001 44 99
Қазақша
Русский
English
14 қазан 2020 | 09:55
Желтоқсан оқиғасында түсірілген суретке қатысты дау шықты. Шенеунік айыптауға жауап берді
Мәдениет және спорт министрлігі Тіл саясаты комитетінің төрағасы Әділбек Қабаға "өтірік айтты" деген айып тағылды. Ол өзін 1986 жылы 17-18 желтоқсанда Алматы алаңында болған оқиғаларға қатысқандардың суретінде бармын деп айтқан. Шенеунік Tengrinews.kz тілшісіне осы оқиғаның мән-жайын айтып берді.
ПОДЕЛИТЬСЯ
Мәдениет және спорт министрлігі Тіл саясаты комитетінің төрағасы Әділбек Қабаға "өтірік айтты" деген айып тағылды. Ол өзін 1986 жылы 17-18 желтоқсанда Алматы алаңында болған оқиғаларға қатысқандардың суретінде бармын деп айтқан. Шенеунік Tengrinews.kz тілшісіне осы оқиғаның мән-жайын айтып берді.
Әділбек Қаба өтірік айтты деген жазбаны жазушы Қанат Тасыбеков Facebook желісіндегі парақшасында жариялады.
"Жоғары лауазымды шенеунік Әділбек Қаба жақында Желтоқсан көтерілісіндегі суретпен өзін протестант ретінде көрсеткісі келген жазба жариялады", - деп жазды Қанат Тасыбеков өз парақшасында.
"Бүгін мен желтоқсан көтерілісінде тәуелсіздік үшін иық тіресе күрескен әріптестерім, "Нағыз желтоқсан" және "Рухани жаңғыру" қоғамдық қорларының президенті Құрманғазы Рахметовпен кездестім. Тіл жанашыры ретінде "Тіл қорғандарына", Тіл комитетінің жұмысына қолдау білдіре келіпті. Құры қол келмей, мемлекеттік тілдің беделін көтеруге қатысты өзінің ұсыныстарын ала келіпті.
...Желтоқсанның ызғарлы күндерін де еске алдық. Бір қызығы желтоқсан көтерілісі кезінде (төмендегі суретте) екеуміз қатарлас жүрген болып шықтық.
Аман жүріңдер, желтоқсанда ұлт мүддесін биік қойған қанды көйлек арыстандарым!", - деп жазған екен шенеунік Әділбек Қаба.
Тасыбеков тіл маманының осы жазбасына наразылық білдіріп жатыр. Сондықтан ол шенеуніктен осы сөзіне қатысты түсінік беруін сұраған.
Бұл жазба әлеуметтік желілерде қызу талқылағаннан кейін Тіл саясаты комитетінің төрағасы жағдайға түсінік беруді ұйғарды.
"Мен адам ретінде құрметтейтін және оның кәсіби қызметін бағалайтын Қанат Тасыбеков мырзаның мақаласына қатысты өз пікірімді білдіргім келеді. Біріншіден, мен оның әлеуметтік желілердегі жазбасын көрмедім. Бұл менің жауап бермеуімнің жалғыз себебі.
Екіншіден, мен сол күні Сабыр Шинасиловқа қоңырау шалып, онымен сөйлестім. Ол өзін фотода танығанын және оның дәлелі барын айтты. Сабыр Шинасилов басқа адамдардың да оны фотода белгілегенін атап өтті. Мен онымен дауласпаймын және өзімді батыр ретінде көрсеткім келмейді деп жауап бердім.
"Егер сіз өзіңізді осы фотода өзіңізді танысаңыз, онда жарайды" дедім. Содан Сабыр маған "рақмет, ренжімеңіз" деді. Сондықтан бұл жерде түсініспеушілік болды деп ойламаймын", - деді тілші Әділбек Қаба Tengrinews.kz тілшісіне.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
