+7 (777) 001 44 99
Қазақша
Русский
English
14 тамыз 2020 | 12:36
Жезқазғанның жаңа әкімі тағайындалды
Қайрат Абсаттаров Жезқазған қаласының әкімі болып тағайындалды, - деп хабарлайды Tengrinews.kz тілшісі.
ПОДЕЛИТЬСЯ
Қайрат Абсаттаров Жезқазған қаласының әкімі болып тағайындалды, - деп хабарлайды Tengrinews.kz тілшісі.
Осыған дейін "Азаматтарға арналған үкімет" Мемлекеттік Корпорациясы" КЕАҚ басқармасы төрағасының бірінші орынбасары - басқарма мүшесі лауазымын атқарған. Қаланың жаңа басшысын өңір басшысы Жеңіс Қасымбек таныстырды.
"Қайрат Бектайұлында мемлекеттік басқару тәжірибесі бар, қала проблемаларын шешеді және шешімдерін табады. Ол өзінің тәжірибесі мен білімінің арқасында Президентпен қойылған міндеттерге сәйкес жұмысын ұйымдастыра алады", - деді, Қарағанды облысының әкімі Жеңіс Қасымбек.
Қаланың жаңа басшысының үміткері Жезқазған мәслихатының депутаттарына кезектен тыс сессияға ұсынылды. Олар бір ауыздан Қайрат Абсаттаров үшін дауыс берді.
"Құрметті жерлестер, сіздерге сенімдеріңіз үшін алғыс айтқым келеді. Мен оны ақтауға тырысамын", - деді Жезқазған қаласының жаңа әкімі.
Ол 1966 жылы Жезқазғанда дүниеге келген. Үш жоғары білімі бар: 1990 жылы Қарағанды политехникалық институтын "Автомобиль және автомобиль шаруашылығы" мамандығы бойынша; 1998 жылы - О.А.Байқоңыров атындағы Жезқазған университетін "Экономика және өндірісті басқару" мамандығы бойынша; 2018 жылы - "МИСиС" Ұлттық техникалық зерттеу университетін "Іскерлік әкімшіліктендіру магистрі" мамандығы бойынша тәмәмдаған.
1990-1997 жылдары Жезқазғанның автомобиль өнеркәсібінің өнеркәсіп кәсіпорындарында, Қарағанды облысының әкімшілік аппаратында еңбек етті.
Стратегиялық жоспарлау және реформалау агенттігінде, Қазақстан Президентінің Әкімшілігінде жұмыс істеген, Байланыс және ақпарат министрлігінің жауапты хатшысының лауазымын атқарды, сонымен бірге көлік және коммуникация вице-министрі, ҚР бірнеше министрліктерінде комитет төрағасы болды, одан кейін Қазақстан Республикасының премьер-министрінің канцеляриясын, Өңірлік даму департаментін басқарды.
2019 жылдан бастап осы күнге дейін "Азаматтарға арналған үкімет" мемлекеттік корпорациясы басқармасы төрағасының бірінші орынбасары - басқарма мүшесі болған.
"Құрмет" орденімен марапатталған.
Жезқазған әкімі Қайрат Бегімов Президент Әкімшілігінің келісімімен басқа жұмысқа ауыстырылуына байланысты атқарып отырған лауазымынан босатылды.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
