Жигули Дайрабаев президенттікке кандидат болып тіркелді

Жигули Дайрабаев Қазақстан президенттігіне кандидат болып тіркелді, - деп хабарлайды Tengrinews.kz тілшісі.

Орталық сайлау комиссиясы Жигули Дайрабаевты президенттікке кандидат ретінде тіркеу үшін қажетті құжаттардың барлығы комиссияға ұсынылғанын және талаптарға толық сәйкес келетінін хабарлады.

"Осылайша, Қазақстан Республикасы президенттігіне кандидатты тіркеуге қажетті барлық рәсімдер сақталды. Орталық сайлау комиссиясы Жигули Дайрабаевты Қазақстан Республикасы президенттігіне кандидат ретінде тіркеді", - деді ОСК төрағасы Нұрлан Әбдіров.

30 қыркүйекте Жигули Дайрабаев "Ауыл" партиясынан президенттікке кандидат ретінде ұсынылды. Осыдан кейін ол мемлекеттік тілді білуге ​​емтихан тапсырды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!