Жол құрылысына байланысты Алматы облысындағы тасжолдың бірі жабылады

Үлкен Алматы айналма жолының құрылысына байланысты Алматы облысындағы тасжолдардың бірі жабылады, - деп хабарлайды Tengrinews.kz тілшісі Polisia.kz сайтына сілтеме жасап.

"Қырғауылды, Райымбек ауылдарының қиылысындағы айналма жол және Үлкен Алматы айналма жолының құрылысына байланысты республикалық маңызы бар Алматы-Шамалған-Ұзынағаш тасжолын 23 шақырымға жабу жоспарланып отыр. Сондықтан, бұдан былай Алматыға  Алматы-Шамалған-Ұзынағаш бойымен кірушілер Қырғауылды ауылындағы Көкдала және Іңкәрбековтар көшелерімен, сондай-ақ Райымбек ауылындағы Сүйінбай және Наурыз көшелері арқылы өтеді. Осыған байланысты осы жағдайға түсіністікпен қарап, көлік қозғалысының бағыттарын алдын ала жоспарлауды сұраймыз", - деді полиция өкілі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!