Жолаушылар оқиға орнында қаза тапты. Павлодар облысында жол-көлік оқиғасы болды

Павлодар облысында жол-көлік оқиғасы салдарынан үш жолаушы қаза тауып, екі жүргізуші жарақат алды, - деп хабарлайды Tengrinews.kz тілшісі Polisia.kz-ке сілтеме жасап.

"7 қазанда сағат 22.00-де Ақсу өңірінің Сырлықала ауылының жанындағы Ленинский-Курчатов автожолының 55-шақырымында 40 жастағы Нива көлігінің жүргізушісі қауіпсіз қозғалыс жылдамдығын қамтамасыз етпей, жолдың оң жағында ілеспе бағытта тұрған КамАЗ 5320 автомашинасының тіркемесімен соқтығысқан", - деді Павлодар облысы ПД бастығының бірінші орынбасары Жасқайрат Қайыров.

Жол апаты салдарынан Нива көлігінің үш жолаушысы оқиға орнында қаза тапты. Екі жүргізуші ауруханаға жеткізілді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!