+7 (777) 001 44 99
ПОДЕЛИТЬСЯ
Жүргізушілерге автокөліктен полиция қызметкерінің рұқсатынсыз-ақ шыға беруге тыйым салынбауы мүмкін, - деп хабарлайды Tengrinews.kz тілшісі ҚР Парламенті Мәжілісінің отырысынан.
Жүргізушілерге автокөліктен полиция қызметкерінің рұқсатынсыз-ақ шыға беруге тыйым салынбауы мүмкін, - деп хабарлайды Tengrinews.kz тілшісі ҚР Парламенті Мәжілісінің отырысынан.
Мәжілісте "Жол қозғалысы туралы" заңның жобасы бойынша қорытынды әзірлеу жөнінде мәселе қаралды. Заңнама және сот-құқықтық реформа жөніндегі комитетінің хатшысы Светлана Бычкованың түсіндіруінше, "Жол қозғалысы туралы" заңда қарастырылған автокөліктен полицияның рұқсатынсыз шығуға тыйым салу туралы норма қоғам мүшелерінің наразылығын туғызды.
"Парламент Мәжілісі депутаттары, "Халық коммунистері" фракциясы мүшелері "Жол қозғалысы туралы" заңға өзгерту енгізу туралы жобаға бастамашы болған еді, 2014 жылдың қазанынан бастап, "Жол қозғалысы туралы" заң күшіне енді, онда полиция тоқтатқан кезде жолаушыларға көлік құралынан полиция қызметкерінің рұқсатынсыз шығуға тыйым салатын норма болды. Бұл норманы қоғам теріс қабылдады, ол заң жобасын қайта жасауға себеп болды, соған байланысты аталған норманы заңнан алып тастау ұсынылды. Қаулының жобасы сіздердің қолдарыңызда, қолдауды сұраймыз", - деді Бычкова.
Депутаттар қаулының қабылдануын қолдап, бірауыздан дауыс берді.
