05 маусым 2022 | 09:43

Қанша алматылық референдумда дауыс бере алады?

Дина Шарипханова Корреспондент

Жанна Асанова

1,1 миллионнан астам алматылық Конституцияға түзетулер мен толықтырулар енгізу бойынша жалпыхалықтық референдумда дауыс бере алады. Бұл туралы таңғы арнайы брифингте қалалық референдум өткізу жөніндегі аумақтық комиссия төрайымы Жанна Асанова айтты, - деп хабарлайды Tengrinews.kz тілшісі.

1,1 миллионнан астам алматылық Конституцияға түзетулер мен толықтырулар енгізу бойынша жалпыхалықтық референдумда дауыс бере алады. Бұл туралы таңғы арнайы брифингте қалалық референдум өткізу жөніндегі аумақтық комиссия төрайымы Жанна Асанова айтты, - деп хабарлайды Tengrinews.kz тілшісі.

Спикердің айтуынша, 5 маусымда таңғы сағат 6:00-де Алматыда 574 сайлау учаскесі ашылды. Дауыс беру таңғы сағат 7:00-де басталған.

"Дауыс беру белсенділігі біртіндеп артып келе жатыр. Таңертең 7-де алғашқы дауыс бергендер болды. Оқиға қалай дамитыны туралы келесі брифингте хабарлаймыз", - деді қалалық аумақтық референдум комиссиясы төрайымы.

Оның айтуынша, заңнаманы өрескел бұзу деректері тіркелмеген, бәрі жұмыс режимінде өтіп жатыр. Учаскелерде бақылаушылар бар.