+7 (777) 001 44 99
Қазақша
Русский
English
18 наурыз 2022 | 18:07
Қаңтар оқиғалары: министр Президентке баяндама жасады
Мемлекет басшысы Қасым-Жомарт Тоқаев ішкі істер министрі Марат Ахметжановты қабылдады, - деп хабарлайды Tengrinews.kz тілшісі Ақорда сайтына сілтеме жасап.
ПОДЕЛИТЬСЯ
Мемлекет басшысы Қасым-Жомарт Тоқаев ішкі істер министрі Марат Ахметжановты қабылдады, - деп хабарлайды Tengrinews.kz тілшісі Ақорда сайтына сілтеме жасап.
Қасым-Жомарт Тоқаевқа еліміздегі криминогендік ахуал, сондай-ақ қаңтар оқиғасы кезінде жасалған қылмыстарды тергеу ісі, кінәлілерді анықтау және жауапкершілікке тарту бойынша жүргізіліп жатқан жұмыстар жөнінде баяндалды.
Президентке ұсынылған мәліметке сәйкес қазіргі уақытта 2 988 қылмыстық іс қаралуда, 188 іс бойынша айыпталу актісі шыққан, оның 166-сы сотқа жіберілген. Сонымен қатар тоналған қаруды заңсыз айналымнан қайтарып алу бойынша жұмыс жүргізіліп жатыр.
Мемлекет басшысына ішкі істер органдарының қызметін жетілдіру бойынша жүзеге асырылып жатқан шаралар туралы ақпарат берілді. Соның ішінде полиция жұмысын бағалау жүйесін қайта қарау, бюрократияны жою, сотқа дейінгі іс жүргізу процесін оңтайландыру, сондай-ақ заңдылықты қамтамасыз ету және азаматтардың құқықтарын қорғауды күшейту шаралары туралы айтылды.
Марат Ахметжанов сыбайлас жемқорлыққа қарсы саясатты іске асырудағы жаңа тәсілдер, мамандармен жұмыс істеудің тиімділігін арттыру, цифрландыру есебінен меритократия қағидаттарын және процесстердің ашықтығын қамтамасыз ету жөнінде баяндады.
Сонымен қатар Мемлекет басшысына қылмыстық-атқару жүйесін жаңғырту, құқықтық тәртіпті және сотталғандар отыратын жәйді жақсарту және оларды қайта әлеуметтендіру жөнінде ақпарат берілді.
Кездесу қорытындысы бойынша Президент министрге еліміздегі құқықтық тәртіптің деңгейін одан әрі арттыру, ішкі істер органдарының қызметін сервистік модельге өткізу бойынша бірқатар тапсырма берді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
