Қаңтар оқиғасы: Қазақстанда әлі 18 шетелдік қамауда

Қазақстанда қаңтарда болған тәртіпсіздіктерге байланысты 18 шетелдік қамауда отыр. Бұл туралы Адам құқықтары жөніндегі уәкіл Эльвира Әзімова айтты, - деп хабарлайды Tengrinews.kz тілшісі.

"Тәртіпсіздіктерге қатысы бар деген айыппен қамауға алынғандар мен тергеу изоляторларында қазір 18 шетел азаматы бар. Оның 14-і - Өзбекстан, екеуі - Ресей, екеуі Қырғызстан азаматы", - деді Азимова, "Хабар" телеарнасында.

Әзімова қамауға алынған азаматтар ұсталған жабық мекемелерге жүргізілген мониторингтің қорытындысын жариялады.

"Ұсталғандардың көп болғанына байланысты уақытша ұстау изоляторларында 6 қаңтардан кейінгі алғашқы 48 сағатта ауызсуға, тамақтануға қол жеткізу жағдайлары дұрыс болмағаны анықталды. Кейіннен жағдай тұрақталды. 10 қаңтардан бастап тұтқындалғандардың барлығына үйден ақша алуға рұқсат етілді. Бүгінгі таңда тамақтану дұрысталды, бірақ тамақ сапасына қатысты бірнеше өтініш бар", - деп атап өтті омбудсмен.

Сілтемесіз жаңалық оқисыз ба? Онда Telegram желісінде парақшамызға тіркеліңіз!