+7 (777) 001 44 99
Қазақша
Русский
English
02 наурыз 2022 | 15:34
Қаңтардағы тәртіпсіздіктер: ІІМ ұрлық жасағандардың ұсталуы туралы айтты
Ішкі істер министрлігі Тергеу басқармасының бастығы Санжар Әділов қаңтардағы жаппай тәртіпсіздік кезінде қарақшылық шабуыл жасағандардың ұсталғаны туралы айтты, - деп хабарлайды Tengrinews.kz тілшісі.
ПОДЕЛИТЬСЯ
Ішкі істер министрлігі Тергеу басқармасының бастығы Санжар Әділов қаңтардағы жаппай тәртіпсіздік кезінде қарақшылық шабуыл жасағандардың ұсталғаны туралы айтты, - деп хабарлайды Tengrinews.kz тілшісі.
Әділовтің айтуынша, соңғы аптада мүлік пен қару ұрлау дерегі бойынша жеті күдікті ұсталып, сот санкциясымен қамауға алынған.
"Алматыдағы тәртіпсіздіктер кезінде бес адамнан тұратын топ полиция қызметкерлерінің арнайы техникасы мен қаладағы төрт дүкеннен түрлі тауар ұрлаған. Жедел іс-шара барысында күдіктілердің бірінің тұрғылықты жері бойынша полиция қызметкерлері екі электроскутер, екі теледидар, үш ноутбук, компьютерлік техника және жап-жаңа киімдер тапты.
Сонымен қатар, күдіктілерден сатуға дайындалған есірткі "пирролидин" табылып, тәркіленді. Осы іске қатысы барлар анықталып, сот санкциясымен қамауға алынды", - деді Әділов.
Сондай-ақ, 6 қаңтарда Алматыда Түркістан облысының екі тумасы көшедегі банкоматты бұзып, бір миллион теңгеден аса қолма-қол ақшаны ұрлап кеткен. Әділов күдіктілердің кінәсі мойындауларынан бөлек, бейнежазба арқылы да дәлелденгенін атап өтті.
"8 қаңтарда Түркістан облысында бұрын ұрлық және тонау үшін сотталған екі жергілікті тұрғын ұсталды, олар 5 қаңтарда Алматыда болған тәртіпсіздіктер кезінде бес Canon фотоаппаратын, Acer маркалы ноутбугын, үш iPhone 12 және Samsung ұялы телефондарын ашық түрде ұрлаған", - деді Әділов.
Күдіктілер уақытша ұстау изоляторына қамалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
