Қар, боран және көктайғақ: алдағы күндерге арналған ауа райы болжамы

"Қазгидромет" синоптиктері 11, 12 және 13 қарашаға арналған ауа райы болжамын ұсынды, - деп хабарлайды Tengrinews.kz тілшісі.

Қар, боран және көктайғақ

Алдағы үш тәулікте Қазақстан аумағының басым бөлігіне атмосфералық фронттар әсер етеді, соның салдарынан жауын-шашын (жаңбыр, қар) күтіледі. Елдің солтүстік бөлігінде боран соғып, 13 қарашада оңтүстік-шығыстағы таулы аймақтарда жауын-шашын болжанады.

"Республика бойынша тұман, көктайғақ, желдің күшеюі күтіледі. Тек еліміздің оңтүстігінде негізінен жауын-шашынсыз ауа райы сақталады", – деп хабарлады синоптиктер.

Ауа температурасы қандай болады?

• Қазақстанның батысында +8…+18°;
• шығысында –5…+5°;
• оңтүстігінде +10…+18°;
• солтүстік-батысында +2…+13°-тан –5…+10° дейін төмендейді;
• солтүстігінде +0…+5°-тан –2…–7° дейін төмендейді;
• орталығында +0…+8°-тан –8…+3° дейін төмендейді;
• оңтүстік-шығысында +5…+15°, таулы аймақтарда –0…–5°.

Сілтемесіз жаңалық оқисыз ба? Онда Telegram желісінде парақшамызға тіркеліңіз!