Қарағанды ​​облысына жаңа полиция басшысы тағайындалды

Негмет Исмагулов Қарағанды ​​облысы Полиция департаментінің бастығы болып тағайындалды, - деп хабарлайды Tengrinews.kz тілшісі ҚР ІІМ баспасөз қызметіне сілтеме жасап.

Ішкі істер министрінің орынбасары Айдар Сайтбеков Қарағанды облысы Полиция департаментінің басшы құрамына департаменттің жаңа бастығын таныстырды.

Негмет Исмагулов – ішкі істер органдарында 1995 жылғы маусымнан бастап қызмет етіп келеді. Әртүрлі басшылық қызметтер атқарған.

Бұған дейін Қостанай облысы Полиция департаменті бастығының орынбасары лауазымында болған.

Айта кетейік, департаменттің жаңа бастығы ҚР Президентінің Жарлығымен "Ерен еңбегі үшін" медалімен марапатталған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!