Қарағандыда бес қабатты үй өртеніп жатыр: өрт шатырды түгел шарпыған

Қарағандыда құтқарушылар бес қабатты тұрғын үйден шыққан ірі өртті сөндіріп жатыр, - деп хабарлайды Tengrinews.kz тілшісі.

Майқұдықтағы 11 А шағын ауданындағы үйлердің бірінде өрт шықты. Өрт туралы ақпарат өрт сөндіру қызметіне сағат 14:59-да түскен. Оқиға орнына жеткен өрт сөндірушілер көпқабатты үйдің шатыры жанып жатқанын анықтады. Шамамен өрт аумағы 900 шаршы метрді құрады.

"5 қабатты тұрғын үйде ашық жалынмен шатыр торлары жанып жатыр. От шарпыған алаң шамамен 900 шаршы метрді алып кетті. ТЖД күштерімен 15 адам эвакуацияланды. Өртті сөндіруге ТЖД бөлімшелері жұмылдырылды", - деп хабарлады баспасөз қызметі.

"Қазір негізгі міндет - өртті сөндіруге, себептерін анықтауға, адамдарды қауіпсіз жерге көшіруға күш салу. Өңір басшысы Ермағанбет Бөлекпаев қала әкіміне тұрғындарды уақытша мекенге орналастыруды тапсырды. Штаб ұйымдастырылды", - деді баспасөз хатшысы. облыс әкімі Марина Шаповалова.

Оқиға орнында облыс және қала әкімдері бар.

Сілтемесіз жаңалық оқисыз ба? Онда Telegram желісінде парақшамызға тіркеліңіз!