30 қаңтар 2022 | 09:02

Қарағандыда тепловоз бен КамАЗ соқтығысты

Гүлнара Досымшалова Корреспондент

Қарағандыда теміржол өткелінде тепловоз мен КамАЗ соқтығысты. Оқыс оқиға видеоға түсіп қалды, - деп хабарлайды Tengrinews.kz тілшісі.

Қарағандыда теміржол өткелінде тепловоз мен КамАЗ соқтығысты. Оқыс оқиға видеоға түсіп қалды, - деп хабарлайды Tengrinews.kz тілшісі.

Оқиға Бытовая көшесінде сағат 17:22 шамасында болған. Бейнетіркегіштен түсірілген кадрлар әлеуметтік желіде тарап кетті. Олар өткел бойымен қозғалып келе жатқан тепловозды және жүргізушісі жылдамдығын бәсеңдетуге үлгермеген, жақындап келе жатқан пойыздың алдындағы өткелден тез сырғып өтпек болған жүк көлігін көрсетеді.

Қарағанды облысы ПД баспасөз қызметі оқиғаға қатысты түсініктеме берді. Ведомство аталған факт тіркелгенін атап өтті.

"32 жастағы КамАЗ жүргізушісі Бұхар-Жырау даңғылынан Асфальтная көшесіне қарай Бытовая көшесімен келе жатқан. Теміржол өткелінде ол тепловозбен соқтығысуға жол берді. ЖКО нәтижесінде көлік құралдары механикалық зақым алды. КамАЗ жүргізушісі медициналық көмекке жүгінген жоқ", - деп хабарлады ведомстводан.

Сондай-ақ, полиция аталған учаскеде көктайғақ болмағанын, бағдаршам дұрыс жұмыс істегенін, жол белгілері де бар екенін атап өтті.