Қарағандылықтар мемлекетті 700 миллион теңгеге алдады деп айыпталды

Бір топ қарағандылық мемлекетке 700 миллион теңгеден аса шығын келтірді деп айтыпталып отыр, - деп хабарлайды Tengrinews.kz тілшісі Қарағанды облысы бойынша Экономикалық тергеу департаментіне сілтеме жасап.

Ведомство мәліметінше, қылмыстық топтың бұл әрекетін жедел-тергеу іс-шаралары барысында өңірдің жедел уәкілдері әшкерелеген. 2016-2020 жылдар аралығында қылмыскерлер Қарағандыда жалған шот-фактураларды заңсыз жазып бергені белгілі болды.

"Жеті адамнан тұратын топ салық төлеуші-контрагенттерге бюджетке салық төлеуден жалтаруға көмектесу үшін бақыланатын 13 кәсіпорын құрған. Олар жалған келісімдер жасап, шығындарды жасанды түрде арттырған. Бұл күдіктілердің қылмыстық әрекеттерінен келтірілген жалпы шығын 700 миллион теңгеден асты", - деді департаменттегілер.

Күдіктілерге қатысты елден шықпау туралы бұлтарпау шарасы таңдалды, тағы біреуі үй қамауына алынды. Қылмыстық іс сотқа жолданды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!