Кәрім Мәсімов Терроризмге қарсы орталықтың отырысын өткізді

13 желтоқсанда Астанада Ұлттық Қауіпсіздік Комитетінің төрағасы Кәрім Мәсімов Қазақстан Республикасы Терроризмге қарсы орталығының кезекті отырысын өткізді, - деп хабарлайды Тengrinews.kz тілшісі ҚР ҰҚК баспасөз қызметіне сілтеме жасап. 

Мемлекеттік және жергілікті атқарушы органдардың басшылары қару мен жарылғыш заттардың радикал ортаға түсу жағдайын жою бойынша шараларды қарады.

2018 жылғы ТҚО жұмысына қорытынды жасалып, келесі жылға арналған бірінші кезектегі міндеттер белгіленді.

Терроризмге қарсы орталығы отырысының нәтижелері бойынша бірқатар хаттамалық шешімдер қабылданды.