Каспий жағалауынан балықтың қырылған орны табылды

Каспий теңізінің солтүстік-шығыс бөлігінде іздестіру жұмыстарын жүргізген инспекторлар балықтардың жаппай қырылған жерін тапты. Ақпаратты Экология, геология және табиғи ресурстар министрлігінің баспасөз қызметі растады, - деп хабарлайды Tengrinews.kz тілшісі.

"1 қыркүйекте Каспий теңізінің солтүстік-шығыс бөлігінде, "Жилая коса" учаскесінің жанындағы жағалаудан 4 шақырым қашықтықта балықтың қырылған орны анықталды. Экология және полиция департаменттері, ветеринарлық қызметтер және әкімдік қызметкерлерінен тұратын жұмыс тобы су, топырақ және балық сынамаларын алу үшін өлген балықтарды анықтау орнына барып, тиісті акт жасайды", - деп хабарлады Экология министрлігі.

Қазгидромет мәліметінше, 2022 жылдың 18-23 тамызы аралығында Каспий теңізінің суы 5-25 шақырымға дейін кері қайтқан. Бұл балықтың өліміне себеп болған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!