+7 (777) 001 44 99
Қазақша
Русский
English
19 қазан 2022 | 12:46
Қазақ тілін саяси ойындарға қолдануға болмайды - Тоқаев
Мемлекет басшысы Қасым-Жомарт Тоқаев қазақ тілін саяси ойындарға пайдалануға жол берілмейтінін мәлімдеді, - деп хабарлайды Tengrinews.kz тілшісі Мемлекет басшысының баспасөз қызметіне сілтеме жасап.
ПОДЕЛИТЬСЯ
Мемлекет басшысы Қасым-Жомарт Тоқаев қазақ тілін саяси ойындарға пайдалануға жол берілмейтінін мәлімдеді, - деп хабарлайды Tengrinews.kz тілшісі Мемлекет басшысының баспасөз қызметіне сілтеме жасап.
Тоқаев елімізде қазақ тілін меңгерген жастардың саны артып келе жатқанын атап өтті.
"Қазақша сөйлейтін жастар көбейіп келе жатыр. Жалпы, тілдік орта түбегейлі өзгерді. Қазақ тілін білетін өзге ұлт өкілдері де аз емес. Соған сәйкес қазақша фильмдерге, әндерге және басқа да өнімдерге деген сұраныс жоғары. Мұның бәрі қазақ тілінің қолдану аясы жылдан-жылға кеңейіп келе жатқанын көрсетеді", - деді ол.
Мемлекет басшысы сондықтан алаңдауға негіз жоқ екенін айтты.
"Қазақ тілін пайдаланып, саяси ойындар жүргізудің қажеті жоқ. Осындай теріс түсініктер кейбір елдерді қасіретке ұшыратты. Мемлекет қазақ тілін қолдау үшін тиісті шаралар қолданып жатыр. Бұл бағыттағы жұмысты жалғастыра береміз.
Өз тілімізді өзіміз ұлықтауымыз керек. Бұл - өте дұрыс. Бірақ, өзге тілден бас тартуға болмайды. "Өз тілің бірлік үшін, өзге тіл тірлік үшін" деген сөз бар. Біз тіл саясатын байыппен жүргізуіміз керек. Сонда ғана көздеген мақсатымызға жетеміз", - деп толықтырды Мемлекет басшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
