Қазақстан Даму Банкінің басшысы қызметінен кетті

Руслан Искаков Қазақстан Даму Банкінің (ҚДБ) басшысы қызметінен кетті, - деп хабарлайды Tengrinews.kz тілшісі.

"26 қазанда "Қазақстан Даму Банкі" АҚ-ның жалғыз акционері "Бәйтерек" ұлттық басқарушы холдингі өз қалауы бойынша банктен кету туралы шешім қабылдаған басқарма төрағасы Искаков Руслан Викторовичтің өкілеттігін мерзімінен бұрын тоқтатты", - делінген хабарламада.

Руслан Искаков ҚДБ басқарма төрағасы лауазымын 2022 жылдың ақпан айынан бастап атқарды.

Оның банк басшысы ретіндегі қызметі барысында негізгі бизнес-процестерді реформалау бойынша жұмыс жүргізілді, ҚДБ-ның елдік деңгейдегі халықаралық рейтингтері расталды, 800 миллион доллардан астам тікелей шетелдік инвестициялар тартылды, оның ішінде еурооблигациялардың табысты шығарылуы іске асырылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!