+7 (777) 001 44 99
Қазақша
Русский
English
28 қаңтар 2020 | 11:21
Қазақстан Дубайдағы Expo көрмесіне жұмсалатын қаражатты қайта қарайды
Үкімет Қазақстан 2020 жылы Дубайдағы Expo көрмесіне жұмсалатын қаражатты қайта қарауы мүмкін, - деп хабарлайды Tengrinews.kz тілшісі.
ПОДЕЛИТЬСЯ
Үкімет Қазақстан 2020 жылы Дубайдағы Expo көрмесіне жұмсалатын қаражатты қайта қарауы мүмкін, - деп хабарлайды Tengrinews.kz тілшісі.
"Осы және басқа да мәселелерді біздің комиссия қарайтын болады: бұл бізге не береді, шығыны қандай, әсері қандай және елге қанша инвестиция тартылуы мүмкін. Егер комиссия бұл шығындардың ақталмайтынын дәлелдесе, онда дұрыс шешім шығарылады. Жалпы біз қаражаттың осыған не басқа форумға жұмсауды қарастырамыз", - деді ұлттық экономика министрі Руслан Дәленов Дубайдағы көрмеге қатысу үшін жұмсалатын қаражатты қайта қарау сұрағына жауап беру кезінде.
Қазақстанның 2020 жылы Expo-ға қатысуы айтарлықтай әсер беретінін Сауда министрлігі дәлелдеуі тиіс.
Осыған дейін Қазақстан Дубайдағы EXPO көрмесіне 9 миллиард теңге жұмсайтыны айтылды.
Expo 2020 көрмесінде қазақстандық павильонның құрылысына көлемі 3 420 шаршы метр ең үлкен бөлігінің бірі бөлінген.
Expo 2020 - Дубайда (БАӘ) өтетін дүниежүзілік көрме. Көрмені өткізу орны 2013 жылы 27 қарашада Парижде Халықаралық көрмелер бюросының Бас Ассамблеясында анықталды. Көрме 2020 жылдың 20 қазан - 2021 жылдың 10 сәуір аралығында өтеді.
Показать комментарии
Читайте также
