Қазақстан қор биржасы жұмысын бастады

Қазақстан қор биржасы (KASE) жұмысын бастады, - деп хабарлайды Tengrinews.kz тілшісі.

"Қазақстан қор биржасы 2022 жылдың 11 қаңтарында қор нарығының барлық қаржы құралы бойынша сауда-саттық өткізілетінін хабарлайды. Сауда-саттыққа қатысушыларға бағалы қағаздар мен репо операцияларын сатып алу-сату нарықтары қолжетімді болады", - делінген хабарламада.

Сауда-саттық барлық қаржы құралы бойынша Нұр-Сұлтан уақыты бойынша сағат 11.30-дан 15.30-ға дейін жүргізіледі.

Бірінші клиринг сессиясы Нұр-Сұлтан уақыты бойынша сағат 13.00-ден 14.30-ға дейін, екінші клиринг сессиясы сағат 15.30-дан 17.00-ге дейін өтеді.

Клиринг сессияларының нәтижесі бойынша биржалық мәмілелер бойынша есеп айырысу жүргізіледі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!