Қазақстан мен Ресей қолданушылары YouTube-тағы ақауға шағымданды

Қазақстан мен Ресейде танымал YouTube видеохостингі кейде мүлде жұмыс істемей, кейде ақаумен істеп жатыр, - деп хабарлайды Tengrinews.kz тілшісі.

Downradar сайтының деректеріне сәйкес, YouTube-тың істемей қалуына қатысты ең көп шағымдар Астана уақытымен сағат 15:00-де тіркелген. Ең көп пікір қалдырғандар – Астана, Алматы, Петропавл, Мәскеу және Санкт-Петербург тұрғындары.

Downradar сайтынан скриншот

Қазіргі уақытта YouTube-тың басты беті шынымен де ұзақ жүктеледі. Бейнелер әдеттегіден баяу ашылады.

Downdetector порталының мәліметіне сүйенсек, бейнехостингтің жұмысына байланысты ақаулар туралы әртүрлі елдердің қолданушылары 4 қыркүйекте Астана уақытымен 22:17-де жиі шағымданған. 5 қыркүйек күні түстен кейін де шағымдар түсіп отырған, бірақ сәл азайған.

Downdetector сайтынан скриншот

Сілтемесіз жаңалық оқисыз ба? Онда Telegram желісінде парақшамызға тіркеліңіз!