+7 (777) 001 44 99
Қазақша
Русский
English
23 мамыр 2020 | 10:45
Қазақстан мен Түркия арасындағы әуе рейстері маусымда ашылуы мүмкін
Қазақстан мен Түркия арасындағы әуе рейстері маусымда ашылуы мүмкін, - деп хабарлайды Tengrinews.kz тілшісі Индустрия және инфрақұрылымдық даму министрлігінің баспасөз қызметіне сілтеме жасап.
ПОДЕЛИТЬСЯ
Қазақстан мен Түркия арасындағы әуе рейстері маусымда ашылуы мүмкін, - деп хабарлайды Tengrinews.kz тілшісі Индустрия және инфрақұрылымдық даму министрлігінің баспасөз қызметіне сілтеме жасап.
Ведомство мәліметінше, Индустрия және инфрақұрылымдық даму министрі Бейбіт Атамқұлов Түркияның Көлік және инфрақұрылым министрі Әділ Қараисмаилоғлымен телефонмен сөйлескен.
"Министрлер екі елде де эпидемиологиялық жағдай жақсарса, барлық санитарлық талаптарды сақтап және жолаушылар үшін қолайлы жағдай жасай отырып, биыл маусым айының үшінші онкүндігінде әуе рейстерін қайта жандандыру мүмкіндігін талқылады", - делінген хабарламада.
Тараптар екі елдің көлік саласындағы ынтымақтастығының биылғы І тоқсандағы қорытындысын шығарды. Теміржол көлігімен тасымал көлемі өткен жылдың сәйкес кезеңімен салыстырғанда 10 пайызға артып, 239 мың тонна болды. Автомобиль көлігі саласында 42 пайызға өсім болып, 65,2 тоннаны құрады. Транскаспий Халықаралық Көлік Бағытымен транзиттік тасымалдау көлемі 2 есеге ұлғайып, 7,4 мың контейнерге жетті.
Еске салайық, бұған дейін көліктегі бас мемлекеттік санитар дәрігер Сәдуақас Байғабылов елдердегі карантиннің әлсіреуі және шекараның ашылуы хабарланғанмен, қазақстандықтарға әлі де саяхатқа шықпауға кеңес берді.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
