20 маусым 2022 | 14:11

Қазақстан ресейлік көмір тиелген вагондарды бұғаттап тастады деген ақпарат тарады

Дина Шарипханова Корреспондент

Фото ©РИА Новости

Қазақстан өз аумағында ресейлік 1 700 вагон қозғалысын бұғаттап тастады деген ақпарат тарады. Теміржол вагондарында көмір тиелгені айтылған, - деп хабарлайды Tengrinews.kz тілшісі.

Қазақстан өз аумағында ресейлік 1 700 вагон қозғалысын бұғаттап тастады деген ақпарат тарады. Теміржол вагондарында көмір тиелгені айтылған, - деп хабарлайды Tengrinews.kz тілшісі.

Қазақстан Республикасы Индустрия және инфрақұрылымдық даму министрлігі мәліметінше, бұл - хабарламалар жалған ақпарат.

"Шын мәнінде, Қазақстан аумағында көмір тиелген 1700 ресейлік вагон жоқ. РТЖ жолдарында да Қазақстанға бағытталған я болмаса Қазақстаннан шыққан көмір тиелген вагондар тіркелмеген", - делінген ведомство хабарламасында.

Ведомство бұл жалған ақпаратты қасақана жасалған іс-әрекет ретінде қарастырады.

"Қазақстан Республикасы Индустрия және инфрақұрылымдық даму министрлігі ресейлік транзиттік вагондардың кешігуі туралы жалған ақпаратты - екі ел арасындағы тату көршілік қатынастарды әлсіретіп, беделін түсіруге бағытталған қасақана жасалған іс-әрекет ретінде қарастырады", - делінген хабарламада.

ИИДМ Көлік комитеті теміржол инфрақұрылымы және жүк тасымалы басқармасы басшысы Сәтжан Өзбековтің айтуынша, ешқандай кідіріс жоқ.