+7 (777) 001 44 99
Қазақша
Русский
English
18 тамыз 2023 | 09:19
"Қазақстан" шахтасындағы өрт: тағы бір қызметкер өлі табылды
"Қазақстан" шахтасындағы өрттен кейін тағы бір қызметкер өлі табылды, - деп хабарлайды Tengrinews.kz тілшісі.
ПОДЕЛИТЬСЯ
"Қазақстан" шахтасындағы өрттен кейін тағы бір қызметкер өлі табылды, - деп хабарлайды Tengrinews.kz тілшісі.
"Сағат 8: 15-те тағы бір жұмысшының денесі табылды. Қазір оны беру бойынша іс - шаралар басталды", - деді "Арселор-Миттал Теміртау" тау-кен сегменті атқарушы директорының орынбасары Сергей Огай.
Еске салайық, бұған дейін АрселорМиттал Теміртау Көмір департаментінің "Қазақстан" шахтасындағы өрт салдарынан екі қызметкер өлі табылғаны хабарланған болатын. Бірақ кейінірек тек бір адамның өлімі расталғаны айтылды. Ол - компания қызметкері, 1965 жылы туған Виталий Владимирович Слюньков (жерасты электршебері, 5-разряд, еңбек өтілі 39 жыл).
Апат кезінде жер астында 227 қызметкер болған. Апатты жою жоспарын дереу енгізу арқылы 222 адамды жер бетіне жедел көтеріп, қалған төрт кеншіні іздестіру жалғасып жатыр.
"Қазіргі уақытта желдетудің дұрыс режимін қалпына келтіру және кеншілерімізді іздеуді жалғастыру үшін өртті оқшаулау жұмыстары жүзеге асып жатыр. Құтқару қызметтерінің 12 бөлімшесі жұмыс үстінде. Біз марқұмның отбасына қайғырып көңіл айтамыз, оларға барынша қолдау көрсетеміз", - дейді "АрселорМиттал Теміртау" АҚ атқарушы директоры Виктор Гафиулов.
Компания апаттың себептерін толық тергеу үшін мемлекеттік органдармен бірігіп қызмет етіп жатқанын атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
