Қазақстан ТМД төрағалығын Қырғызстанға берді

Қазақстан Тәуелсіз Мемлекеттер Достастығына төрағалық ету эстафетасын ресми түрде Қырғызстанға берді, - деп хабарлайды Tengrinews.kz тілшісі.

Премьер-министр Әлихан Смайылов Астанада өтіп жатқан ТМД елдері Үкімет басшылары кеңесінің отырысында Қазақстанның 2022 жылы Тәуелсіз Мемлекеттер Достастығына төрағалық етуі аясында жоспарланған барлық іс-шаралар толық көлемде орындалғанын айтты.

"Биыл Қазақстан Тәуелсіз Мемлекеттер Достастығына төрағалық етті. Төрағалығымыздың аясында барлық салалардағы ынтымақтастықты тереңдету бойынша жұмыстар жүргізілді. Жақында өткен Астана Саммитінде Достастыққа төрағалық Қырғызстан Республикасына өтті. Осыған байланысты қырғыз достарымды осы маңызды және құрметті миссиямен құттықтағым келеді", - деді Қазақстан Үкіметінің басшысы.

Премьер-министр ТМД кеңістігінде экономикалық тұрақтылықты қамтамасыз ету жөніндегі шараларды іске асыру мақсатында туындаған проблемаларға әрекет ету бойынша бірлескен шаралар тізбесі қабылданды.

"Құжат өзара инвестицияларды ынталандыру, өнеркәсіптік кооперация, кедендік реттеуді жеңілдету, жаңа логистикалық тізбектерді, терминалдық инфрақұрылымды қалыптастыру, цифрлық технологияларды енгізу бойынша ынтымақтастықты тереңдетуді көздейді", - деді Әлихан Смайылов ТМД отырысы барысында.

Сілтемесіз жаңалық оқисыз ба? Онда Telegram желісінде парақшамызға тіркеліңіз!