Қазақстан ҰҚШҰ-дан шығуы мүмкін бе? СІМ жауабы

Сыртқы істер министрлігі Қазақстанның Ұжымдық қауіпсіздік туралы шарт ұйымынан (ҰҚШҰ) шығуы мүмкін екендігін жоққа шығарды, - деп хабарлайды Tengrinews.kz тілшісі.

Сыртқы істер министрлігінің ресми өкілі Айбек Смадияров Қазақстан мен Армения Қазақстанның ҰҚШҰ-дан шығуы туралы келіссөздер жүргізіп жатыр деген ақпарат шындыққа жанаспайтынын айтты.

"Қазақстан мен Армения келіссөздер жүргізіп жатыр деген ақпарат тарап жатыр. Бұл шындыққа жанаспайды. Бірнеше күн бұрын ҰҚШҰ-ға мүше елдердің сыртқы істер министрлері кездесу өткізді. Онда ұйымның одан әрі даму жолдары, осы ұйым шеңберіндегі өзара іс-қимыл талқыланды. Сондықтан біз осы бағытта жұмыс істеп жатырмыз", - деді ол брифингте.

Сілтемесіз жаңалық оқисыз ба? Онда Telegram желісінде парақшамызға тіркеліңіз!