+7 (777) 001 44 99
Қазақша
Русский
English
23 тамыз 2022 | 10:45
Қазақстанда 13,4 миллион тонна бидай жинау жоспарланып отыр
Ауыл шаруашылығы министрі Ербол Қарашүкеев 2022 жылы Қазақстанда астық жинау 18,3 миллион тонна болады деп күтіліп отырғанын, оның 13,4 миллион тоннасы бидай екенін айтты, - деп хабарлайды Tengrinews.kz тілшісі.
ПОДЕЛИТЬСЯ
Ауыл шаруашылығы министрі Ербол Қарашүкеев 2022 жылы Қазақстанда астық жинау 18,3 миллион тонна болады деп күтіліп отырғанын, оның 13,4 миллион тоннасы бидай екенін айтты, - деп хабарлайды Tengrinews.kz тілшісі.
Министрдің мәліметінше, әлемдегі қазіргі геосаяси жағдайға, бірқатар елдерде астық өндірудің төмендеуіне байланысты елде азық-түлік қауіпсіздігін қамтамасыз ету басты мақсат болып тұр.
"Республикадағы астық сақтаудың жалпы сыйымдылығы 29,1 миллион тонна, оның ішінде астық қабылдау кәсіпорындарында - 12,6 миллион тонна, ауыл шаруашылығы тауарын өндірушілерде - 16,5 миллион тонна. Сонымен қатар, республикада 3,1 миллион тонна көлемінде астық тасымалдау бар, оның ішінде бидай - 2,5 миллион тонна", - деді Қарашүкеев Үкімет отырысында.
Премьер-министр Әлихан Смайылов Ауыл шаруашылығы министрлігі мен әкімдіктерге элеваторлардың егінді қабылдауға және сақтауға дайын болуын қамтамасыз етуді тапсырды.
Үкімет басшысының айтуынша, министрліктің басты міндеті - егінді дер кезінде жинау.
"Сондай-ақ, Ауыл шаруашылығы, өнеркәсіп министрліктері және "ҚТЖ" ұлттық компаниясы облыстардың әкімдіктерімен бірлесе отырып, жылжымалы құраммен қамтамасыз ету және логистика мәселелерін шешуді қолға алсын.
Ауыл шаруашылығы министрлігі "Азық-түлік келісім шарт корпорациясы" акционерлік қоғамымен бірлесе отырып, шаруалардың бағасын тұрақты сақтап, қыс мезгіліндегі қажеттіліктерін қанағаттандыру үшін жемшөп қорын уақтылы қалыптастыру шараларын қабылдауы қажет", - деп түйіндеді Смайылов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
