Қазақстанда алдағы күндері ауа райы қандай болады?

"Қазгидромет" синоптиктері 15-17 наурыз аралығында Қазақстанда ауа райы қандай болтынына болжам жасады, - деп хабарлайды Tengrinews.kz тілшісі.

Алдағы күндері елімізде екі қарама-қарсы атмосфералық процесс әсер етеді. Антициклонның ықпалымен шығыс, орталық және солтүстік-шығыс өңірлерде ауа райы құрғақ және тұрақты болады. Ал батыс, солтүстік және оңтүстік аймақтар солтүстік-батыс циклонының ықпалына түсіп, жаңбыр мен қар жауады, жел күшейіп, көктайғақ болуы мүмкін. Кейбір жерлерде тұман түсіп, көріну деңгейі төмендеуі ықтимал.

Ауа температурасы қандай болады?

• Қазақстанның батысында: түнде +2...+7°C, күндіз +12...+20°C.
• Қазақстанның солтүстігінде: түнде -1...-10°C-тан -3...-2°C-қа дейін, күндіз +1...+6°C-тан +5...+10°C-қа дейін.
• Қазақстанның шығысында: түнде -12...-22°C-тан -5...-12°C-қа дейін, күндіз -2...+6°C-тан +1...+8°C-қа дейін.
• Қазақстанның оңтүстңгңнде: Түнде +2...+7°C, күндіз +13...+18°C-тан +18...+23°C-қа дейін.
• Оңтүстік-шығыста: түнде -2...+3°C, таулы аймақтарда -8...-13°C, күндіз +10...+15°C-тан +15...+20°C-қа дейін болады.

Синоптиктердің болжамы бойынша, жауын-шашын, тұман және көктайғақ жол қозғалысын қиындатуы мүмкін. Осыған байланысты жүргізушілерге барынша сақ болу және қауіпсіздік шараларын қатаң сақтау ұсынылады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!