Қазақстанда алдағы күндері ауа райы қандай болады?

Синоптиктер 8, 9 және 10 сәуірде Қазақстанда ауа райы қандай болатыны туралы болжам жасады, - деп хабарлайды Tengrinews.kz тілшісі.

Синоптиктердің болжамы бойынша, алдағы үш күнде елімізде тұрақсыз ауа райы сақталады.

"Жаңбыр мен найзағай, тұман, желдің күшеюі күтіледі. Батыста, солтүстік-батыста, солтүстікте, орталықта және шығыста – жаңбыр, ал шығыста түнгі уақытта жаңбыр мен қар түрінде жауын-шашын болады", – деп хабарлады синоптиктер.

Қазақстандағы ауа температурасының болжамы

• Батыс өңірлерде: түнде температура +5…+13°C-тан +1…+9°C-қа дейін төмендейді,
  күндіз +15…+25°C-тан +10…+20°C-қа дейін өзгереді.
• Солтүстік пен орталықта: түнде 0…+8°C-тан +2…+12°C-қа дейін, күндіз +10…+20°C-тан +17…+25°C-қа дейін жоғарылайды.
• Шығыс Қазақстанда: тТүнде аздап салқындайды – -2…+7°C-тен -5…+5°C-қа дейін,
  күндіз біртіндеп жылынып, +13…+21°C-тан +17…+25°C-қа дейін көтеріледі.
• Оңтүстік өңірлерде:т үнде +10…+15°C, күндіз +20…+28°C-тан +23…+32°C-қа дейін көтеріледі.
• Оңтүстік-шығыста, оның ішінде таулы аймақтарда: Түнде +5…+12°C, таулы жерлерде -3…+2°C-тан +3…+8°C-қа дейін, күндіз +15…+25°C-тан +12…+20°C-қа дейін ауытқиды

Сілтемесіз жаңалық оқисыз ба? Онда Telegram желісінде парақшамызға тіркеліңіз!