+7 (777) 001 44 99
Қазақша
Русский
English
20 ақпан 2024 | 10:18
Қазақстанда әрбір үшінші еңбек мигранты Қытайдан
Еңбек және халықты әлеуметтік қорғау министрлігі Қазақстанда қанша шетелдік жұмыс істейтінін хабарлады, - деп хабарлайды Tengrinews.kz тілшісі.
ПОДЕЛИТЬСЯ
Еңбек және халықты әлеуметтік қорғау министрлігі Қазақстанда қанша шетелдік жұмыс істейтінін хабарлады, - деп хабарлайды Tengrinews.kz тілшісі.
2024 жылғы 1 ақпандағы жағдай бойынша, жергілікті атқарушы органдардың рұқсатымен Қазақстан аумағында 12 882 шетел азаматы еңбек етеді.
"Шетел жұмыс күшін (ШЖК) тартуға рұқсаттардың арасында мынадай санаттар бар: басшылар мен олардың орынбасарлары үшін 565 рұқсат (бірінші санат), құрылымдық бөлімшелердің басшылары үшін 2 671 рұқсат (екінші санат). Тартылған ШЖК негізгі бөлігі үшінші (мамандар) және төртінші (білікті жұмысшылар) санаттарға жатады – тиісінше олар 5 871 және 595 адам. Сондай-ақ, маусымдық жұмыстарға 564 адам, ал корпоративтік ауыстыру аясында 2 616 адам тартылды", - делінген хабарламада.
Қазіргі уақытта Қазақстанда ШЖК пайдаланатын 1 657 жұмыс беруші бар. Оларда 456 мыңнан астам Қазақстан азаматы жұмыс істейді, бұл қызметкерлердің жалпы санының 97,2 пайызы екені айтылды.
"Экономикалық қызмет түрлері бойынша ең көп жұмыс істейтіндер құрылыс саласында – 4 326 адам (33,5 пайыз), өңдеу өнеркәсібі – 1 370 адам (10,6 пайыз), тау – кен өнеркәсібі және карьерлерді қазу – 1 298 адам (10 пайыз), кәсіби, ғылыми және техникалық қызмет – 843 адам (6,5 пайыз), ауыл, орман және балық шаруашылығы – 600 адам (4,6 пайыз)".
Еңбек мигранттары келетін негізгі елдер: Қытай – 4 045 адам (31,4 пайыз), Үндістан – 1 152 адам (8,9 пайыз), Түркия – 1 110 адам (8,6 пайыз), Өзбекстан – 673 адам (5,2 пайыз).
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
