Қазақстанда астық тапшылығы бар ма? Вице-министр жауап берді

Қазақстанда астық тапшылығы жоқ. Бұл туралы ауыл шаруашылығы бірінші вице-министрі Айдарбек Сапаров мәлімдеді, - деп хабарлайды Tengrinews.kz тілшісі.

"БАҚ-та ұн тартушы кәсіпорындар шикізат жетіспеуіне байланысты жұмысын тоқтатқаны туралы ақпарат тарады. Астық тапшылығы жоқ екенін бірден айтқым келеді. Республикада дән жеткілікті. Бәрін дүрбелең салмауға шақырамыз", - деді Айдарбек Сапаров ОКҚ-дағы брифингте. 

Алдын ала статистикалық мәлімет бойынша, 1 сәуірде республикада 6,4 миллион тонна астық болған.

Вице-министрдің айтуынша, ішкі тұтынуды есептегенде, бұл көлем өзімізде қалдыруға және бір бөлігін ұн ретінде экспортқа жіберуге жеткілікті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!