+7 (777) 001 44 99
Қазақша
Русский
English
19 ақпан 2021 | 10:30
Қазақстанда ауа райына байланысты бірнеше облыстағы тасжол жабылды
Қазақстанда боранға байланысты үш облыстағы тасжол жабылды, - деп хабарлайды Tengrinews.kz тілшісі.
ПОДЕЛИТЬСЯ
Қазақстанда боранға байланысты үш облыстағы тасжол жабылды, - деп хабарлайды Tengrinews.kz тілшісі.
Индустрия және инфрақұрылымдық даму министрлігінің мәліметінше, ауа райының нашарлауына байланысты Павлодар облысында 19 ақпанда сағат 09.30-дан бастап 0-272 шақырымдық "Ленин-Ертіс-Русская Поляна" автожолында автокөліктің барлық түрі үшін қозғалыс шектелген.
"Қазавтожол" мәліметінше, Ақмола және Шығыс Қазақстан облыстарындағы тасжолдар жабылған.
19 ақпанда сағат 08.15-те ауа райының қолайсыздығына байланысты "Нұр-Сұлтан-Ерейментау-Шідерті" автожолындағы көліктің барлық түрі үшін қозғалыс шектелді.
Сонымен қатар, 19 ақпанда сағат 08.00-де "Өскемен-Семей", "Омск-Майқапшагай" тасжолдары жабылған. Сағат 08.15-тен бастап ауа райының қолайсыздығына байланысты Шығыс Қазақстан облысында "Омск-Майқапшағай" автожолында жүру шектелді.
Бұған дейін Қостанайда қалың қар жауып, салдарынан жолдар жабылғаны хабарланған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
