+7 (777) 001 44 99
Қазақша
Русский
English
04 сәуір 2020 | 12:53
Қазақстанда азық-түлік бағасы белгіленді
Қазақстандағы төтенше жағдайға байланысты әлеуметтік маңызы бар азық-түлік тауарларының бағасы белгіленді. Сауда, ауыл шаруашылығы және ұлттық экономика министрлігі бірлескен бұйрыққа қол қойды, - деп хабарлайды Tengrinews.kz тілшісі.
ПОДЕЛИТЬСЯ
Қазақстандағы төтенше жағдайға байланысты әлеуметтік маңызы бар азық-түлік тауарларының бағасы белгіленді. Сауда, ауыл шаруашылығы және ұлттық экономика министрлігі бірлескен бұйрыққа қол қойды, - деп хабарлайды Tengrinews.kz тілшісі.
Бүгіннен бастап келесі тауарларға шекті бағалар белгіленеді: бірінші сұрыпты бидай ұны, бірінші сұрыпты ұннан жасалған нан, түтік кеспе (таразыда өлшенетін), қарақұмық жармасы, тегістелген күріш, сиыр еті (сүйектері бар жауырын-кеуде бөлігі), тауық жұмыртқасы (І санат), күнбағыс майы, ас тұзы ("Экстрадан" басқа).
"Соңғы айдағы азық-түлік тауарларына жасалған талдау нәтижесінде, бұл қазақстандықтардың жиі сатып алатын тауарлары болып шықты. Биылғы жылдың басынан бері дәл осы тауарлардың бағасы өсті", - делінген хабарламада.
Әр өңір үшін баға бөлек белгіленген. Мәселен, бірінші сұрыпты ұннан жасалған бір келі нанның Нұр-Сұлтандағы ең қымбат бағасы 150 теңге, Алматыда - 146 теңге, Шымкентте - 146 теңге бола алады.
Өңірлерде: Маңғыстау облысында - бір келі нан үшін 164 теңге, Ақтөбе облысында - 147, Атырау облысында - 164, Ақмола облысында - 160, Қостанай облысында - 139, Қызылорда облысында - 143, БҚО - 160, ШҚО - 150, Павлодар облысында - 161, СҚО - 120, Алматы облысында - 144, Жамбыл облысында - 138, Түркістан облысында - 148 теңге.
Қарағанды облысында бағалар елді мекендерге байланысты белгіленген. Онда бір келі нанның құны 142-ден 160 теңгеге дейін.
Алайда бір бөлке нан (кірпіш) - 550 грамм. Осылайша, нан (кірпіштің) бағасы, мысалы, Нұр-Сұлтанда - 82,5 теңгеден, Алматы мен Шымкентте - 80,3 теңгеден аспайды.
Әлеуметтік маңызы бар азық-түлік тауарларына рұқсатсыз баға көтерілсе, 265 100 теңгеден 530 200 теңгеге дейін айыппұл қарастырылған.
Бірінші сұрыпты бидай ұнының бір келісі Нұр-Сұлтанда - 197, Алматыда - 211 болуы тиіс. Ал кеспе астанада - 230, Алматыда - 209 теңге.
Екі қалада қарақұмық жармасының бағасы бірдей - 339 теңге.
Күріш Нұр-Сұлтанда -307 теңге, Алматыда - 310 теңге тұрады.
Сиыр еті астанада 2113 теңге және Алматыда - 2169.
Он жұмыртқа - тиісінше 351 және 367 теңге.
Күнбағыс майы Нұр-Сұлтанда - 481, Алматыда - 434.
Тұз - 55 теңге, Алматыда 59 теңге.
Басқа аймақтағы бағаларды сайттан білуге болады.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
