+7 (777) 001 44 99
Қазақша
Русский
English
29 қараша 2023 | 09:19
Қазақстанда биыл қыс қандай болады?
Қазақстанда биыл қыс ерекше жылы болады. Мұндай қыс 20 жылдан аса уақыттан бері болмаған. Алайда, синоптиктер мәліметінше, бұл мүлде аномалия емес, - деп хабарлайды Tengrinews.kz тілшісі.
ПОДЕЛИТЬСЯ
Қазақстанда биыл қыс ерекше жылы болады. Мұндай қыс 20 жылдан аса уақыттан бері болмаған. Алайда, синоптиктер мәліметінше, бұл мүлде аномалия емес, - деп хабарлайды Tengrinews.kz тілшісі.
Қазақстанның консультативтік маусымдық ауа райы болжамына сәйкес 2023-2024 жылдардағы қыс 2001-2002 жылдардағы қыстың сценарийіне сәйкес келеді, яғни жауын-шашын нормаға жақын немесе одан да көп жылы болады.
"Суық кезеңде республика аумағында Атлантикалық аймақтардан жылы және ылғалды ауа массаларының жиі қозғалуы күтіледі. Алдағы қыста Қазақстан аумағында температуралық фон басым 1-2 градусқа жоғары болады деп болжанған. Тек желтоқсанда Қазақстанның басым бөлігінде ауа температурасы климаттық норма шегінде, ал елдің солтүстігі мен шығысында нормадан бір градусқа төмен болады деп болжанған", - деп хабарлады "Қазгидромет" РМК.
Қаңтар және ақпанда жауын-шашын республиканың басым бөлігінде нормаға жақын немесе одан жоғары болады, желтоқсанда жауын-шашын республиканың басым бөлігінде нормаға жақын, республиканың солтүстік жартысында нормадан төмен болады деп болжады синоптиктер.
Наурызда Қазақстанда ауаның орташа айлық температурасы нормадан екі градусқа жоғары болады деп болжанған. Еліміздің басым бөлігінде жауын-шашын нормадан жоғары болады деп күтіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
