+7 (777) 001 44 99
Қазақша
Русский
English
25 қараша 2022 | 13:38
Қазақстанда букмекерлік кеңселерде ойнауға тыйым салынған адамдар тізімі жасалады
Қазақстан букмекерлік кеңселер мен лотереялардағы ставкалардың есебін жүргізуді жоспарлап отыр, - деп хабарлайды Tengrinews.kz тілшісі.
ПОДЕЛИТЬСЯ
Қазақстан букмекерлік кеңселер мен лотереялардағы ставкалардың есебін жүргізуді жоспарлап отыр, - деп хабарлайды Tengrinews.kz тілшісі.
Мәдениет және спорт министрлігі әрбір бәс тігушілерден (оның ішінде электронды) қабылданған ұтыс тігулер, ставкалардың нәтижесі, коэффиценттері мен төлемдер туралы ақпаратты қабылдау, есепке алу және сақтау қағидаларын әзірледі.
Бұл ретте букмекерлік кеңсеге немесе тотализаторға букмекерлік орталықта есепке алынбаған ақша есебінен ставкаларды қабылдауға рұқсат етілмейді. Бәс тігу орталығының қатысуынсыз бәс тігушілер мен букмекерлік кеңсе арасында қолма-қол және қолма-қол ақшасыз төлемдерді немесе лотереяларды, оның ішінде ұтыстарды төлеуді қоса алғанда, электрондық ақшаны пайдалану арқылы қабылдауға тыйым салынатыны көрсетілген.
Бәс тігу орталығы құмар ойындарға немесе бәс тігуге қатысуға шектелген тұлғалар тізімінде тұрған адамнан төлемдерді қабылдаудан бас тартуы қарастырылған.
Букмекерлік кеңселер мен лотереялардың аппараттық-бағдарламалық кешендері ақпараттың бәс тігу орталығына онлайн берілуін қамтамасыз етеді:
- бәс тігушілер үшін - толық аты-жөні, ЖСН, ұтыс тігудің қабылданған күні мен сомасы, ұтыс сомасы мен күні, ұтыс сомасы мен төленген күні, ұтыстардың ақшалай баламасы, Салық кодексінің 165-бабының 14) тармағына сәйкес фискалдық деректер;
- ойын бизнесін ұйымдастырушылар үшін - заңды тұлғаның атауы, БСН, заңды мекенжайы, салық салу объектісінің түрі, касса түрі (жер/электронды), ставканы қабылдаған кассаның орналасқан жері.
Ақпаратты есепке алуды уәкілетті орган салық органдарына және қаржы мониторингі органдарына жабық хаттаманы пайдалана отырып, жалпыға қолжетімді телекоммуникация желілері арқылы онлайн режимінде беру, сондай-ақ букмекерлік кеңселер мен лотереялардың қызметі туралы статистикалық және талдамалық ақпаратты қалыптастыру үшін жүзеге асырады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
