+7 (777) 001 44 99
Қазақша
Русский
English
06 наурыз 2024 | 17:03
Қазақстанда жаңа комитет құру ұсынылды
Қазақстанда жаңа комитет құру ұсынылды. Гауһар Танашева тиісті депутаттық сауал жолдады, - деп хабарлайды Tengrinews.kz тілшісі.
ПОДЕЛИТЬСЯ
Қазақстанда жаңа комитет құру ұсынылды. Гауһар Танашева тиісті депутаттық сауал жолдады, - деп хабарлайды Tengrinews.kz тілшісі.
Премьер-министр Олжас Бектеновке жолдаған депутаттық сауалда депутат Қазақстанның демографиясына қатысты мәселелерді көтерді.
"Бір жылда Қазақстан халқының саны небәрі төрт миллионға өссе, көрші Өзбекстан халқы осы кезеңде 15 миллионға өсті. Халық саны аз, тығыздық төмен, әлемде 184-орындамыз – 100 гектар жерге 7 адам", - деді Мәжіліс депутаты.
Танашеваның айтуынша, демографиялық мәселелер халықтың табиғи өсімі және миграцияның күшеюімен шешіледі. Табиғи өсуді қамтамасыз ету үшін алдымен отбасыларға қолдау көрсету керек.
"Бүгінде елімізде отбасы саясаты мәселелерімен айналысатын бірден-бір мемлекеттік орган – Мәдениет және ақпарат министрлігіне қарасты Жастар және отбасы істері комитеті, отбасы саясаты бөлімінде небәрі 4 адам жұмыс істейді, ал аймақтарда комитет өкілдері жоқ.
Өзбекстандағы демографиялық өсімнің оң динамикасын ескере отырып, отбасылардың әл-ауқатын жақсарту мақсатында осы елдің үкіметі жанынан Отбасы, әйелдер, балалар және демографиялық саясат жөніндегі мемлекеттік комитет құру тәжірибесін қабылдауды ұсынамыз", - деді депутат.
Бұл комитеттің негізгі міндеті мемлекеттік органдар мен ұйымдардың қызметін үйлестіру, сондай-ақ ана мен бала құқықтарын тиімді қорғауды қамтамасыз ету, отбасылардың тұрмыс жағдайын жақсартуға үлес қосу болады деп күтіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
