Қазақстанда жаңбыр жауып, күн суытады

"Қазгидромет" синоптиктері 7, 8 және 9 мамырға арналға ауа райы болжамын ұсынды, - деп хабарлайды Tengrinews.kz.

Мереке күндері ауа райы қандай болады?

Болжамға сәйкес, мереке күндері Қазақстанның басым бөлігінде жауын-шашынды ауа райы күтіледі, найзағай ойнап, жаңбыр жауады, бұршақ жауып, желдің екпіні күшеюі мүмкін.

"7-9 мамырда батыс облыстарда, 8-9 мамырда солтүстік облыстарда нөсер жаңбыр күтіледі. Оңтүстік облыстарда аясында найзағай ойнап, қысқа мерзімді жаңбыр жауады деп болжанған, ал шығыс облыстарда тек 9 мамырда найзағайлы жаңбыр басталады", - делінген хабарламада.

Температура көрсеткіштері қандай болады?

Күндіз Қазақстан бойынша ауа температурасы аймақтарға байланысты айтарлықтай ерекшеленеді:

• Қазақстанның батысында 18-28 градус жылы,
• солтүстігінде 18-23 градус жылыға дейін төмендейді,
• орталықта 20-28 градус жылыға дейін төмендейді,
• оңтүстікте, оңтүстік-шығыста 28-33 градус жылыға дейін төмендейді,
• шығыста 25-30 градус жылыға дейін көтеріледі.

Қазақстанда мамырда ауа райы қандай болады?

Бұған дейін синоптиктер Қазақстандағы мамырға арналған консультативтік ауа райы болжамын ұсынған болатын. Метеорологтар мәліметінше, жалпы ел бойынша ауа райы әдеттегіден жылырақ, бірақ жауын-шашын мөлшері әртүрлі деңгейде болады.