Қазақстанда қанттың орташа бағасы айтылды

Сауда және интеграция министрлігі елдегі қанттың орташа бағасын айтты, - деп хабарлайды Tengrinews.kz тілшісі.

"Ресми статистикаға сүйенсек, бір келі қанттың орташа бағасы 450-470 теңге болады. Кейінгі аптадағы бағаға қатысты статистика әлі келмеді.

Адамдар қантты неліктен жаппай сатып алып жатқанын түсіндіре алмаймын. Мұны халықтың өзінен сұрау керек. Қазір елде қант жеткілікті.  Жоқ жерден дүрбелең жасауға болмайды", - деді Сауда Комитетінің төрағасы Ержан Қазанбаев.

Ол қазір Қазақстандағы зауыттарға шикі қант Мексикадан, Бразилиядан және Үндістаннан келетінін хабарлады. Қант бағасы жеткізуші елдің сату құнына және логистикаға байланысты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!