Қазақстанда қарлы боран қашан басылады?

Қазгидромет Қазақстан бойынша 10, 11 және 12 ақпанға арналған ауа райы болжамын дайындады, - деп хабарлайды Tengrinews.kz тілшісі.

Синоптиктер болжамы бойынша, апта аяғына қарай еліміздің басым бөлігінде аяз түсіп, жауын-шашын тоқтайды.

"Скандинавиялық циклон біртіндеп республикадан тыс жерлерге жылжиды, бірақ Қазақстанның басым бөлігінде жауын-шашынды ауа райы сақталады, бұрқасынмен бірге екпінді жел соғып, көктайғақ болады, содан кейін жауын-шашын қысқа мерзімге тоқтайды. Республиканың солтүстік жартысында температура фоны айтарлықтай төмендейді, түнде 20-28 градус аязға дейін, күндіз 15-20 градус аязға дейін төмендейді", - деп ескертеді Қазгидромет.

Иран облыстарынан Қазақстанның оңтүстік облыстарына циклон жетеді, жауын-шашын, негізінен жаңбыр, желдің күшеюі, тұман және көктайғақ түрінде болады деп күтіледі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!