Қазақстанда коронавирус бойынша "сары" аймаққа қай өңірлер кірді?

Денсаулық сақтау министрлігі Санитарлық-эпидемиологиялық бақылау комитетінің төрайымы Айжан Есмағамбетова Қазақстанда коронавирустың таралуы бойынша "сары" аймаққа қай өңірлер кіргенін айтты, - деп хабарлайды Tengrinews.kz тілшісі.

"Бүгінде қызыл аймақта бізде тек Шығыс Қазақстан облысы бар. Сары аймаққа Павлодар, Ақмола және Солтүстік Қазақстан облыстары кіреді. Қалған аймақтар әлі де жасыл аймақта", - деді Есмағамбетова ОКҚ-да өткен онлайн-брифингте.

Бұған дейін Батыс Қазақстан облысында коронавирусты қайта жұқтырудың алғашқы жағдайы тіркелгені хабарланған болатын. 

Қазақстан жаңалықтары. Соңғы жаңалықтар. Telegram желісінде бізге жазыл!