Қазақстанда коронавирусқа байланысты жағдай қай өңірде жақсарғаны белгілі болды

Шымкентте өткен тәулікте (26 тамыздағы мәлімет бойынша) коронавирус жұқтырған бір де бір науқас тіркелмеді, - деп хабарлайды Tengrinews.kz тілшісі ДСМ-ге сілтеме жасап. 

Жалпы республика бойынша 168 жаңа жағдай анықталған. Оның ішінде, ең көбі ШҚО-да тіркелген (24). Ал Шымкентте бірде бір жағдай анықталмаған. 

Сондай-ақ эпиджағдай Жамбыл облысында да жақсы, бір тәулікте коронавирус жұқтырған екі адам ғана анықталған.  

Жалпы республика бойынша COVID-19 жұқтырғандар саны 105 243-ке жеткен. Оның ішінде, аурудан айыққандар - 94 713 адам. Қазақстанның денсаулық сақтау министрі елдегі коронавирустың жаңа толқыны қазанда болуы мүмкін екенін айтты.  

Қазақстан жаңалықтары. Соңғы жаңалықтар. Telegram желісінде бізге жазыл!