+7 (777) 001 44 99
Қазақша
Русский
English
16 шілде 2021 | 10:06
Қазақстанда қой еті қымбаттады
Қазақстанда қой еті бір жылда 14 пайызға қымбаттады, - деп хабарлайды Tengrinews.kz тілшісі.
ПОДЕЛИТЬСЯ
Қазақстанда қой еті бір жылда 14 пайызға қымбаттады, - деп хабарлайды Tengrinews.kz тілшісі.
2021 жылғы маусымда елдегі базарлар мен дүкендерде қой еті бір келісі үшін 2,3 мың теңгеден сатылған. Бұл бір жыл бұрынғыға қарағанда 14,4 пайызға қымбат. Еліміздің ірі қалалары мен мегаполистері арасында ең жоғары баға Нұр-Сұлтан, Алматы (бір келісі үшін 2,9 мың теңгеден) және Қарағандыда (бір келісі үшін 2,6 мың теңгеден); ең төмен баға - Орал мен Петропавлда (бір келісі үшін 1,7 мың теңгеден) байқалған.
Қой етінің бір жылда едәуір қымбаттауы Алматыда тіркелген: бірден 22,6 пайыз. Батыс Қазақстан және Алматы облыстарында да қой еті айтарлықтай қымбаттады.
2021 жылдың шілдесіне қарай елде 22,9 миллион бас қой саналды. Бұл бір жыл бұрынғыға қарағанда 3,6 пайызға көп. Оның ішінде 11,8 миллион басы халық шаруашылығына, 9,9 миллион басы жеке кәсіпкерлер мен фермерлік шаруашылықтарға, 1,2 миллион басы ауылшаруашылық кәсіпорындарына тиесілі болған.
Өңірлік бөліністе ең көп қой саны Түркістан облысында: 5,5 миллион бас, бір жыл бұрын 5,1 миллион бас болған. Бұл жылына 6,6 пайызға артқанын көрсетеді.
Көш басында Алматы (4,3 миллион бас қой, 4,7 пайызға көп) және Жамбыл (3,4 миллион бас, 3,7 пайызға көп) облыстары тұр.
Жарты жыл ішінде елімізде 35,5 мың тонна қой жүні алынған. Бұл бір жыл бұрынғыға қарағанда 2,2 пайызға көп. Оның ішінде 56,1 пайызы халық шаруашылықтарында (19,9 мың тонна жүн, оған қоса жылына 1,3 пайыз), 39,7 пайызы ЖК шаруашылықтарында және фермерлік шаруашылықтарда (14,1 мың тонна, оған қоса 2,8 пайыз), 4,3 пайызы ауыл шаруашылығы кәсіпорындарында (барлығы 1,5 мың тонна, оған қоса 9,4 пайыз) алынған.
2021 жылғы қаңтар–маусымда шаруашылықтарда тірі салмақта 131,8 мың тонна (2,1 пайыз) және таза салмақта 65,7 мың тонна (жылына плюс 1,9 пайыз) қой сойылды немесе союға өткізілді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
