Қазақстанда індеттің екінші толқыны басталды - министр

Денсаулық сақтау министрі Елжан Біртанов елімізде коронавирустың екінші толқыны мамырда басталғанын айтты, деп хабарлайды Tengrinews.kz тілшісі.

"Қазақстанда коронавирустың бірінші толқыны болды: сәуір айының екінші жартысында індет шарықтау шегіне жетіп, ауру жұқтырғандардың саны артты. Мамыр айының ортасында індет жұқтырғандардың саны қайта өсті. Бұл коронавирустың екінші толқыны басталғанын білдіреді", - деді министр орталық коммуникациялар қызметінде өткен баспасөз мәслихатында. 

Айта кетейік, осыған дейін денсаулық сақтау министрі Қазақстанда коронавирус жұқтырғандар саны 12 124-ке жеткенін айтқан еді.