Қазақстанда номиналы 1000 теңгелік ескі банкноттарды айырбастау мерзімі аяқталады

Қазақстан Республикасының Ұлттық банкі 2021 жылы 3 наурызда 2006 жылғы үлгідегі номиналы 1 000 теңгелік банкноттарды айырбастау кезеңінің аяқталатынын еске салады, - деп хабарлайды Tengrinews.kz тілшісі.

2006 жылғы үлгідегі номиналы 1000 теңгелік банкноттарды айырбастау 2017 жылдың 2 наурызында басталды, енді ол 2021 жылдың 3 наурызына дейін жалғасады. Көрсетілген мерзімнен кейін Ұлттық банк филиалдары аталған банкноттарды қабылдау мен айырбастауды тоқтатады.

Банкноттарды қолданыстағы ақша белгілеріне айырбастау тек Ұлттық банк филиалдарында жүзеге асырылады. Филиалдардың мекен-жайы мен байланыс телефондары Ұлттық банк сайтында көрсетілген.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!